Malèster enes comèrci e en sector dera ostalaria deth Baish Aran pera situacion que se viu des d’hè apuprètz un mes, quan es francesi se trapen en confinament domiciliari e non pòden trauessar era termièra se non ei per causa justificada. 

Aguest a estat un des debats centraus en darrèr Plen deth Conselh Generau d’Aran. 

Era oposicion, Convergéncia Aranesa, a profitat eth Plen entà interessar-se pera activitat economica en Baish Aran, en çò qu’era equipa que govèrn a afirmat que se trape en contacte damb era administracion francesa.

Segontes explique eth govèrn d’Aran, er 1 de deseme França a previst d’avaluar era situacion, e préner, se se considère oportun, naues mesures respècte era Covid-19.

Aguest Plen a aprovat es cambis estructuraus deth govèrn  d’ençà era renóncia de Boya a SIndic. S’a confirmat, atau, que Juan Antonio Serrano serà vicesindic prumèr, Francisco Bruna vicesindic dusau e fin finau, Angelina Cases viciesindica tresau.