ACTUALITAT
Convèni entar estudi der auviatge aranés damb era Universitat de Navarra
07/08/2018
Eth passat dissabte, 4 d'agost, eth Conselh Generau d’Aran e era Facultat de Filosofia e Letres dera Universitat de Navarra signèren un convèni de collaboracion damb er objectiu de fomentar er estudi der auviatge aranés, damb vigéncia de tres ans prorrogables.
Eth convèni preten impulsar era collaboracion entre desparièrs departaments dera Universitat e eth Conselh entà identificar er auviatge lingüistic, istoric, artistic, païsatgistic, identitari e culturau dera Val d'Aran damb potenciau entà èster convertit en un recors orientat a fomentar era coneishença culturau ena zòna e definir projèctes concrèts d'investigacion, atau coma era divulgacion d'activitats coma collòquis, conferéncies, taules redones, exposicions, publicacions, edicion e presentacion de libres...
Aguest acte auec lòc ena sedença deth Conselh, damb era participacion deth sindic d’Aran, Carlos Barrera e era Dra. Julia Pavón Benito, istoriana e directora deth Departament d'Istòria, Istòria der Art e Geografia, dera facultat de Filosofia e Letres dera Universitat de Navarra.
En acte dera signatura tanben participèc era professora d'Istòria der Art dera Universitat de Navarra, e veritabla impulsora dera collaboracion, Thaïs Rodés de Sarrablo, amassa damb Jèp de Montoya, assessor en tèmes culturaus e d'auviatge deth Conselh Generau d’Aran, e Elisa Ros, Tecnica d'auviatge deth Conselh Generau d’Aran.
Dempús d'aguesta signatura, era delegacion dera Universitat tanben visitèc era sedença der Institut d'Estudis Aranesi-Academia Aranesa dera Lengua Occitana, a on sigueren arrecebudi per Jusèp Loís Sans, president der IEA-AALO
Aguesta collaboracion s'includís laguens des trabalhs der expedient dera futura candidatura d'auviatge naturau, culturau, artistic e identitari dera Val d’Aran coma Auviatge dera Umanitat per part dera Unesco.
IMATGES: CONSELH GENERAU D'ARAN
Eth convèni preten impulsar era collaboracion entre desparièrs departaments dera Universitat e eth Conselh entà identificar er auviatge lingüistic, istoric, artistic, païsatgistic, identitari e culturau dera Val d'Aran damb potenciau entà èster convertit en un recors orientat a fomentar era coneishença culturau ena zòna e definir projèctes concrèts d'investigacion, atau coma era divulgacion d'activitats coma collòquis, conferéncies, taules redones, exposicions, publicacions, edicion e presentacion de libres...
Aguest acte auec lòc ena sedença deth Conselh, damb era participacion deth sindic d’Aran, Carlos Barrera e era Dra. Julia Pavón Benito, istoriana e directora deth Departament d'Istòria, Istòria der Art e Geografia, dera facultat de Filosofia e Letres dera Universitat de Navarra.
En acte dera signatura tanben participèc era professora d'Istòria der Art dera Universitat de Navarra, e veritabla impulsora dera collaboracion, Thaïs Rodés de Sarrablo, amassa damb Jèp de Montoya, assessor en tèmes culturaus e d'auviatge deth Conselh Generau d’Aran, e Elisa Ros, Tecnica d'auviatge deth Conselh Generau d’Aran.
Dempús d'aguesta signatura, era delegacion dera Universitat tanben visitèc era sedença der Institut d'Estudis Aranesi-Academia Aranesa dera Lengua Occitana, a on sigueren arrecebudi per Jusèp Loís Sans, president der IEA-AALO
Aguesta collaboracion s'includís laguens des trabalhs der expedient dera futura candidatura d'auviatge naturau, culturau, artistic e identitari dera Val d’Aran coma Auviatge dera Umanitat per part dera Unesco.
IMATGES: CONSELH GENERAU D'ARAN
Clara Villar