Aguest maitin, era conselhèra de Conseishement, Angelina Cases, s’a apropat ath centre entà parlar damb eth professorat responsable des PAU en Aran e entà transméter ar alumnat es sòns melhors desirs entà aguesti dies.

Cau rebrembar que, eth passat mes de març, eth Conselh Generau d’Aran signèc adamb eth departament de Recerca e Universitats dera Generalitat de Catalunya e era Universitat de Lleida eth convèni entà qu’er estudiantat d’Aran e era Alta Ribagorça realize es Pròves d’Accès ara Universitat (PAU) en Vielha. 

Aguest acòrd supause un auanç fòrça important, pr’amor qu’artenh qu’es estudiants deth nòste territòri e dera Alta Ribagòrça s’estauvien eth besonh de desplaçar-se lèu 200 km d’anada e 200 mès de tornada per ua carretèra de montanha enquia Lhèida, coma ac auien de hèr abans dera pandèmia, un desplaçament e ua estada que, ath delà, supausauen ua despena economica importanta entàs familhes.


HÒNT: CONSELH GENERAU D'ARAN