En tot coincidir damb eth procés de desescalada, er Ajuntament de Bossòst a metut en marcha un plan de reactivacion economica e sociau basat en 10 mesures. 

Er objectiu, ajudar as persones que se trapen en estat de vulnerabilitat, e tanben ath sector empresariau, ath quau tant a afectat era pandèmia.

Ath delà, eth consistòri estimularà era creacion de naui negòcis e harà ua ambiciosa apòsta peth torisme culturau e de natura.  

Potenciar Aran Park coma clau deth torisme familhau e reactivar es trabalhs entara implantacion d'un camp de gòlf son d’auti des punts deth Plan post Covid-19 que Bossòst vò amiar a tèrme. 

Ua auta des mesures aprovades, en aguest cas tà reactivar era economia locau, ei era suspension dera taxa des terrasses des bars e restaurants.

De cara ath 2021 s’anullarà tanben era taxa de dubertura de naues activitats, entà incentivar era aparicion de naui negòcis en teishut economic deth municipi.