Bossòst arrecep ua donacion de materiau sanitari dera enterpresa Luxam Energia

08/05/2020

Er Ajuntament de Bossòst a arrecebut ua donacion importanta de materiau sanitari aquerit pera enterpresa locau LUXAM ENERGIA entà toti es abitants dera localitat. Aguesta iniciatiua s'ère gestant des der inici d'aguesta crisi dera COVID-19, mercés ath compromís contractat per aguesta companhia electrica damb sedença en municipi, en tot concretar atau era sua responsabilitat sociau envèrs era sua comunitat.

Eth materiau aquerit ei avalorat en 10.000 èuros e compren mascaretes, guants e gels idroalcoòlics entath municipi e 4.000 unitats de guants, 3.500 parelhs de guants e 200 litres de gel idroalcoòlic entàs servicis sanitaris deth Conselh Generau d’Aran.

A compdar deth deluns 11 de mai, cada abitant poderà arremassar era sua mascareta ena Farmacia Miguel Almansa.

Es gels seràn distribuïdi a cada enterpresa o negòci de Bossòst a compdar dera pròplèu setmana.

HÒNT: AJUNTAMENT DE BOSSÒST
Laura Rodríguez