Boni resultats des clubs aranesi en Trofèu Amics de Montgarri

13/02/2019

Lèu 300 corredors des categories U10 e U12 se citèren era dimenjada passada en Baqueira Beret entà participar ena 22au edicion deth Trofèu Amics de Montgarri organizat peth Club Aranés d’Espòrts d’Iuèrn (CAEI). Aguesta carrèra forme part deth circuit Audi Quattro Cup d'esquí aupin e deth calendari dera RFEDI.

Eth dissabte, 9 de hereuèr, se disputèc eth Supèr Gigant entàs dues categories en ues condicions immelhorables, tant pera pista coma pera meteorologia.

Eth dimenge, 10 de hereuèr, se celebrèc un Gigant tàs mès petiti (U10) e un Eslalom damb pals cuerti entàs dera categoria superiora (U12).

Dempús deth liurament de prèmis celebradi a pè de pistes, quate afortunats esquiaires gaudiren d'ua passejada damb mòto de nhèu peth Plan de Beret. 

Es representants des clubs aranesi obtengueren ues molt bones posicions. 

Ena categoria SG U10 femenina, Maialen Ros (CAEI) quedèc en dusau posicion e Irene Ramon (CEVA) ena quatau. 

En SG U10 òmes Martí Ubeira (CAEI) e Ramón Figueruelo (CAEI) obtengueren era prumèra e cincau posicion, respectivament.

En GS U10 hemnes Maialen Ros (CAEI), se pugèc ath lòc mès naut deth pòdium, Irene Ramon (CEVA) quedèc tresau, Carlota Marcos (Copos) e Laia Figuls (Copos) artenheren era quatau e cincau posicion.

En GS U10 òmes, Martí Ubeira (CAEI) e Pau Comas (Copos) artenheren era prumèra e dusau posicion, respectivament, e Ramon Ubeira (CAEI) quedèc quatau.

En SL U12, Ignacio Ibarbia (CEVA) s'hec damb era cincau posicion.

Clara Villar