Era Associacion de Donants de Sang dera Val d'Aran a organizat ua naua jornada de donacion de sang en Palai d’espòrts de Vielha damb eth messatge “Damb un còp non n’ i  a pro. Collabòra!”. D’aguesta forma se vò contunhar en tot créisher eth nombre de donants en territòri, maugrat qu'es darrères campanhes an estat fòrça positives. Mieja ora ei eth temps que trigue ua persona que s’apròpe as installacions entà donar sang.

Tota era sang que s'artenhe anarà tath Banc de Sang e teishuts de Barcelona, a on se tractarà e se distribuirà per diferenti espitaus de Catalonha. En aguest sens, se hè ua crida ath portaire de sang tipe 0 negatiu, era mès desirada.

Aguesta ei era dusau campanha de donacion de sang que se hè pendent eth 2018 ena Val, e era mès demorada, donques qu'ei pendent er estiu quan mès besonhs de sang se presenten. Era següenta campanha de donacion de sang qu'organizarà era Associacion de Donants de sang dera Val d’Aran serà en noveme.