Baqueira-Beret afronte damb bones perspectives eth pònt dera Puríssima d’enguan. Dempús des fòrtes nheuades rebudes pendent era darrèra setmana, era estacion d’esquí compde damb boni celhs de nhèu, que li permeten daurir lèu tot eth sòn demini esquiable entà que ne poguen gaudir es visitaries qu’a era Val d’Aran pendent aguesti dies.

Enquia aguest dimenge, era estacion compdarà damb 97 pistes dubèrtes, a on s’acantière enquia 1 mètre de nhèu enes còtes anautes e 65 centimètres enes còtes mès baishes. Se tot va ben, aguest pònt dera Puríssima serà era auantsala d’ues hèstes de Nadau que se demoren damb fòrça optimisme en Baqueira-Beret.

En definitiua, aguest mes de deseme ven plen de nhèu, plen de visitaires, e per tant, se demore qu’aguesta sason d’iuèrn qu’a començat damb bon pè, contunhe enquiath mes d’abriu damb boni resultats, pr’amor qu’un gran exit de Baqueira-Beret supòse ua grana tempsada entath conjunt deth país.