Era glèisa de Mijaran a acuelhut, un an mès, er acte d’autrejament des Prèmis Literaris de Mn. Condò Sambeat, que dejà artenh era vintaueitau edicion, ath delà deth Prèmi Aran de Literatura,  eth Concors de Diboish ena Escòla e er Hestivau de Teatre ena Escòla.

Lèu 200 persones an volut acompanhar a toti es mainatges, adolescents e adults premiadi. Un public qu’a pogut disfrutar dera corau aranesa 4 sons, que damb era sua votz  a amenizat era jornada.

Ar acte tanben i an assistit d’auti actors politics coma era conselhèra de Torisme e Desvolopament Economic, Anna Díaz. Ath delà, tanben s’a compdat damb era presència de representants der airau culturau, der airau d’ ensenhament e dera societat aranesa.

Ua des notícies que s’a dat per part deth Conselh generau d’Aran ei era signatura d’un convèni damb era Corporacion Catalana de Mieis Audiovisuaus.

Un projècte que, amassa damb eth concors de Mn.Condò, non a d’auta finalitat qu’era de fomentar er emplec der aranés entre es mès joeni e dar ales ara sua imaginacion, entà que non dèishen d’escríuer ena sua lengua, en aranés.