Atau com s’auie previst entad aguesta tardor, es trabalhs arqueologics e de restauracion e consolidacion dera Soala de Casteràs, en Bossòst, son auançant avientament. Un des projèctes mès ambiciosi deth municipi entà recuperar e méter en valor eth sòn arric auviatge istoric e culturau.

Plaçada a uns 150 mètres per dessús de Bossòst, era Soala de Casteràs siguec ena epòca medievau un punt estrategic entà controtlar eth pas d'enemics e comunicar-se de forma visuau damb d'auti castèths. 

Baish dera fortificacion e ath costat dera tuta de Bossòst, es trabalhs arqueologics constaten que aquiu se i trapaue era ermita de Santa Eulàlia.

Plaçada en un terren damb un naut valor arqueologic, era capèla de Santa Eulàlia de Casteràs  ei classificada coma Ben d’Interès Nacionau.

Se trape en un terren de fòrt arribent e damb ues vistes uniques dera poblacion. Aguestes descubèrtes permeten acabar d’escríuer era istòria deth nòste territòri.

Es trabalhs de consolidacion se somen as dejà artenhudi, coma son era melhora ena senhalizacion e er accès ad aguest paratge d’Interès Nacionau, atau com eth sòn recent enlumenat. Ues accions que dignifiquen era tuta e eth castèth de Bossòst, dus des sòns lòcs mès magics.