Es òbres de restauracion e consolidacion deth campanau dera glèisa de Bossòst auancen a bon ritme d’ençà er inici d’aguestes accions en seteme. 

Des lèu 150.000 èuros que s’invertiràn en aguestes actuacions d’assolidament, eth Conselh Generau d’Aran, laguens deth sòn convèni marc damb era Deputacion de Lhèida, n’aportarà 94.000. Pera sua part, er Ajuntament de Bossòst aportarà 18.000 èuros e eth Departament de Cultura dera Generalitat 35.000.

Ues òbres fòrça de besonh entà auançar ena mantenença d’aguest element patrimoniau.

Era glèisa dera Mair de Diu dera Purificacion de Bossòst ei eth maxim exponent dera arquitectura romanica aranesa deth sègle XII e supause entà Aran un gran tresaur culturau que an darrèr an ei visitat per milèrs de persones. 

Se demore qu’aguestes accions de restauracion deth campanau poguen finalizar abans dera fin d’aguest 2020.