Era glèisa de Sant Joan d’Arties a inaugurat era exposicion “Atau qu’ère, atau qu’ei” organizada pera Fondacion Privada deth Musèu Etnologic dera Val d’Aran. Aguesta mòstra fotografica contraste imatge antigues damb imatges actuaus deth madeish lòc, en tot dar a conéisher era evolucion deth paisatge dera Val a nivèu urbanistic pendent eth temps.

Es 132 fotografies, que van des deth 1885 enquiara actualitat, mòstren es cambis qu’an patit era major part des pòbles aranesi. Uns cambis en paisatge que en un futur pròplèu se poirien accelerar coma conseqüéncia der impacte que poirie auer eth projècte dera naua N-230 en sòn pas pera Val.

Aguesta mòstra anarà acompanhada pera presentacion deth catalòg dera exposicion e deth nau numero dera revista Tèrra Aranesa.
Atau madeish, era exposicion se poderà visitar a compdar de diuendres 29 de junh e enquiath 29 de seteme, de deluns a dissabte, des 17 ores enquias 21 ores de forma gratuïta.