Bona participacion d’Arties en Concors de Viles Florides dempús d’auer revalidat es tres flors d’aunor ena actuau edicion. Era Flor d’Aunor ei era reconeishença que certifique as poblacions coma “viles florides”. Entre es aspèctes mès avaloradi destaquen er auviatge vegetau e païsatgistic, es recorsi destinadi ara sua mantenença, era diuersitat florau e era foncionalitat des espacis verdi.

Particulars, comèrci, restaurants e otèls s’i an ahijut ad aguest projècte en tot plantar flors de totes es espècies e colors.

Eth jurat encargat d’avalorar es localitats e balhar es flors d’aunor tanben a en compde eth respècte peth miei ambient e era sostenibilitat, atau coma er emplec sociau que se li da e es sinergies damb era activitat toristica.

Aguest ère eth dusau viatge qu’Arties se presentaue a Viles Florides, mès, en efecte, er Ajuntament e es vesins ja estan arremassant naues idèes entà pujar de gradon e meter-se damb es municipis damb melhor avaloracion.