Aran inície ua campanha de conscienciacion tà arturar contagis per Covid-19

08/02/2021

Informar e conscienciar ara ciutadania deth besonh de seguir es mesures de seguretat entà esvitar contagis per Covid-19.

Aguest ei er objectiu dera campanha de conscienciacion qu’eth Conselh Generau d’Aran a activat, e mejançant era quau agents comunitaris e Pompièrs d’Aran demanaràn era collaboracion de toti entà arturar eth ritme de contagis.

Es agents civics actuen peth moment en Vielha en orari de tarde, deth temps qu’es Pompièrs d’Aran se botgen per d’auti municipis.

Segontes mos compden, era iniciativa s’a trapat damb ua bona acuelhuda per part dera ciutadania.

Era contractacion d’aguesti agents comunitaris, que tanben excercíssen trabalhs de supòrt en Banc d’Aliments dera Val d’Aran, s’enmèrque enes accions desvolopades peth govèrn aranés entà sajar d’arturar era incidéncia dera pandemia en Aran.
Laura Rodríguez