Aran celèbre eth 8-M damb un webinar sus hemnes en entorns laboraus masculinizadi

08/03/2021

Son imatges dera Corsa dera hemna d’est an passat. Un eveniment qu’enguan, en tot auer en compde era situacion sanitària actuau, ei impossible de celebrar. 

Totun, en aguest dia Dia Internacionau dera Hemna, s’a cercat ua alternativa, se tracte d’  ua conferéncia online organizada peth Conselh generau e dubèrta tà toti. Aquiu, cinc hemnes dera Val d’Aran an compartit es sues experiéncies laboraus en entorns que tradicionaument an auut ua major proporcion d’òmes. 

Ua des protagonistes ei Ana García, ua joena de 28 ans damb era formacion de veterinària e sciéncia e produccion animau qu’actuauments se dedique ara ramaderia. 

Eth papèr dera hemna cada viatge ei mès present en sector dera ramaderia, mès encara i a trabalh tà hèr. 

A part d’era, 4 hemnes mès an explicat es sues experiéncies laboraus enes sectors deth còs de Pompièrs, des Agents de Miei Ambient, des espòrts e dera aviacion.

Laura Rodríguez