Aprovat eth pressupòst deth govèrn d'Aran tà 2021

22/12/2020

Eth Conselh Generau d’Aran a aprovat en session extraordinària es compdes entath 2021 damb es vòts a favor dera equipa de govèrn e era abstencion de Convergéncia Aranesa.

Avalorat en 34.143.097 èuros, aguest pressupòst ei leugèraments superior ath d’est an passat.

Com nauetats d’enguan, se i trape ua partida entà auançar en projècte Hub d’innovacion, que dejà compde damb 3 empreses. Tanben s’a creat ua partida de 2 milions d’èuros entà prebotjar iniciatiues restacades damb eth torisme sostenible.

Era polemica dera jornada s’a trapat ena contratacion de dues naues places en Govèrn aranés. Ua plaça entà assessorar eth Conselh en matèria deth desplegament dera Lei d’Aran e ua auta entà assessorament de lòcs deth trabalh.
Era equipa de govèrn, totun, s’a defenut en tot díder qu’ei de besonh ua persona damb coneishements superiors juridics ena casa.

Er objectiu, diden des deth Conselh, ei auançar en desplegament dera Lei d’Aran.
Laura Rodríguez