Era presidenta dera Deputacion de Lhèida, Rosa Maria Perelló, a visitat era Val d’Aran entà mantier desparières amassades damb eth Sindic d’Aran e es membres deth Govèrn.

Ua jornada que tanben a profitat entà presidir ua amassada de trabalh damb conselhèrs, bailes e presidents des EMD d'Aran.

Es amassades an servit entà auançar ena estreta collaboracion que manten era institucion damb eth Conselh Generau d’Aran e entà aprigondir enes desparièrs projèctes compartidi.
Entre es ahèrs tractadi, a destacat era inversion que realize era Deputacion de Lhèida ena 3aua fasa de melhora dera carretèra de Vilamòs, damb un pressupòst de 1.860.000€.

Es òbres d’aguesta carretèra començaràn ena primauera.

Destaque tanben era inversion de 500.000€ per part dera Deputacion entar equipament deth 2au quiròfan der espitau dera Val d'Aran.

Era inversion se realizarà mejançant eth convèni que manten era Deputacion de Lhèida damb eth departament de Salut deth Generalitat.

Ues òbres qu’èren de besonh e qu’incrementaràn era qualitat deth servici sanitàri dera Val.