ACTUALITAT
Actes tath Dia Internacionau dera Eliminacion dera Violéncia contra es Hemnes
20/11/2018
Eth pròplèu dimenge, 25 de noveme, se commemòre eth Dia Internacionau dera Eliminacion dera Violéncia contra es Hemnes. Per aguest motiu, eth Servici d'Informacion e Atencion as Hemnes (SIAH) a organizat ua seria d'actes pendent aguest finau de noveme e principis de deseme.
Es actes previsti començaràn deman dimèrcles, dia 21 de noveme, damb ua vidèo conferéncia as 18.30 ores ena Sala de Premsa deth Conselh Generau d’Aran, damb eth títol de "Reflexions e estrategies entà ua intervencion socioeducativa dera prevencion dera violéncia de genre, non eterosexista e interseccional", damb er objectiu d'aportar metodologies e estrategies entara intervencion socioeducativa e comunitària ena prevencion dera violéncia de genre des d'ua perspectiva non binaria de diuersitat sexuau e interseccional.
Eth dijaus, 22 de noveme, ena Bibliotèca Municipau de Vielha as 11.45 ores: Teatre, musica e poesia contra era violéncia de genre e debat participatiu entà gojats e gojates de 3au d’ESO. Pera tarde, tàs 19:00 ores dubèrt a tota era ciutadania se representaràn pèces de teatre còntra era violéncia de genre, combinades damb moments musicaus (cançon e poesia) interpretades ath piano.
Eth diuendres, dia 23 de noveme, aurà lòc era lectura deth Manifèst Institucionau contra era Violéncia de Genre, tàs 12.00 ores deuant dera sedença deth Conselh Generau d’Aran. Era lectura deth manifèst correrà a cargue dera vicesindica d’Aran, Maria Angels Ordax.
Fin finau, eth deluns, 17 de deseme, de 08.00 a 15.00 ores, aurà lòc ena sedença deth Conselh Generau d’Aran, ua session formativa dirigida a tot eth personau e cargues elegidi sus era perspectiva de genre e igualtat d'oportunitats.
En aguest sens, cau arrebrembar qu'institucions coma eth Conselh e es ajuntaments an era obligacion d'implementar un Plan Intèrn d'Igualtat restacat ath desvolopament dera Lei d'igualtat efectiva d'hemnes e òmes, enes administracions, organismes publics e entitats privades.
Er objectiu d'aguesta session formativa ei qu'es assistents agen coneishements sus sensibilizacion, conciliacion familhau e formacion sus er emplec de lenguatge non sexista, sètge laborau per arrason de sèxe e risqui laboraus damb perspectiva de genre, entre d'auti.
IMATGE: CONSELH GENERAU D'ARAN
Es actes previsti començaràn deman dimèrcles, dia 21 de noveme, damb ua vidèo conferéncia as 18.30 ores ena Sala de Premsa deth Conselh Generau d’Aran, damb eth títol de "Reflexions e estrategies entà ua intervencion socioeducativa dera prevencion dera violéncia de genre, non eterosexista e interseccional", damb er objectiu d'aportar metodologies e estrategies entara intervencion socioeducativa e comunitària ena prevencion dera violéncia de genre des d'ua perspectiva non binaria de diuersitat sexuau e interseccional.
Eth dijaus, 22 de noveme, ena Bibliotèca Municipau de Vielha as 11.45 ores: Teatre, musica e poesia contra era violéncia de genre e debat participatiu entà gojats e gojates de 3au d’ESO. Pera tarde, tàs 19:00 ores dubèrt a tota era ciutadania se representaràn pèces de teatre còntra era violéncia de genre, combinades damb moments musicaus (cançon e poesia) interpretades ath piano.
Eth diuendres, dia 23 de noveme, aurà lòc era lectura deth Manifèst Institucionau contra era Violéncia de Genre, tàs 12.00 ores deuant dera sedença deth Conselh Generau d’Aran. Era lectura deth manifèst correrà a cargue dera vicesindica d’Aran, Maria Angels Ordax.
Fin finau, eth deluns, 17 de deseme, de 08.00 a 15.00 ores, aurà lòc ena sedença deth Conselh Generau d’Aran, ua session formativa dirigida a tot eth personau e cargues elegidi sus era perspectiva de genre e igualtat d'oportunitats.
En aguest sens, cau arrebrembar qu'institucions coma eth Conselh e es ajuntaments an era obligacion d'implementar un Plan Intèrn d'Igualtat restacat ath desvolopament dera Lei d'igualtat efectiva d'hemnes e òmes, enes administracions, organismes publics e entitats privades.
Er objectiu d'aguesta session formativa ei qu'es assistents agen coneishements sus sensibilizacion, conciliacion familhau e formacion sus er emplec de lenguatge non sexista, sètge laborau per arrason de sèxe e risqui laboraus damb perspectiva de genre, entre d'auti.
IMATGE: CONSELH GENERAU D'ARAN
Clara Villar