ACTUALITAT
Plantacion des rosèrs ena Escòla Garona tà celebrar Sant Jòrdi
25/04/2024
Aguesta tarde s'a amiat a tèrme era plantacion de rosèrs per part des alumnes dera Escòla Garona en espaci de tèrra qu'a cedit er Ajuntament de Vielha e Mijaran ath cant deth centre e dera comarcau C-28.
Aguesta activitat a estat impulsada pera AFA dera Escòla Garona e eth pròpri centre entàs alumnes a compdar d'I-5 enquia 6au de primària entà celebrar era diada de Sant Jòrdi.
Ua grana iniciatiua des familhes e deth professorat entà conscienciar ar alumnat sus eth respècte peth medi naturau, en un centre que forme part deth hilat d'Escòles Verdes e qu'ei comprometuda damb era sostenibilitat e era educacion eco-sociau.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga