A compdar d'aguest ostiu, es vesins de Vielha, dera Val d'Aran e toristes compden damb ua grana notícia: pòden gaudir de connexion Wi-Fi de manèra totauments gratuïta ena Plaça dera Glèisa de Vielha. Ua mesura damb era quau, segontes comente eth còsso de naues tecnologies der ajuntament de Vielha e Mijaran, Alberto López, “pretenem arténher eth trincament deth horat digitau que viuíem en municipi aguesti darrèri ans. Gràcies ara digitalizacion de Vielha demoram optimizar es servicis publics e melhorar era experiéncia des nòsti visitaires”.

Es usatgèrs poderàn hèr un emplec deth hilat Wi-Fi limitat a ua ora, mès toti es viatges que volguen ath long deth dia. Vielha e Mijaran auance damb grani passi entara digitalizacion deth municipi. Aguest ostiu se demore que tanben sigue prèsta era installacion deth servici dera fibra optica. López ahigís que "se preten que Vielha e Mijaran sigue un municipi digitalizat e qu’aufrirà un bon servici ara poblacion e as toristes".