Societat
Er INS d'Aran acuelh era 17au edicion dera jornada InvesJove
21/03/2024
Aguest maitin, er INS d'Aran acuelh era 17au edicion des jornades InvesJove, enes qu'er alumnat de 2au de Bachilierat deth Naut Pirenèu e Aran (en aguest cas der INS d'Aran e INS El Pònt de Suert) presenten es sòns trabalhs de recèrca. InvesJove fomente era investigacion e recèrca en escolanat de Bachilierat.
Eth 2au tinent d'alcalde e còsso d'ensenhament der Ajuntament de Vielha e Mijaran, Alberto López, a participat ena jornada en tot liurar diplòmes as alumnes qu'expausen es sòns trabalhs.
Atau madeish, s'a presentat un libre digitau damb es trabalhs de recèrca de 2023 e 2024 e ua conferéncia de dus antics alumnes der INS d'Aran, Francis Nieto e Aitor Vivancos, sus era sua evolucion des der Institut enquiath mon laborau.
Des der Ajuntament de Vielha e Mijaran volem felicitar ar alumnat pera nauta qualitat des trabalhs de recèrca presentadi, e encoratjam as naues generacions a seguir es sòns passi, pr'amor que lis ajudarà fòrça en futur ena sua insercion en mon laborau.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga