Bossòst ampliarà eth cementèri municipau

11/01/2018

Se bastiràn 56 cavòts e 20 columbaris damb ua inversion de 100.000 €

Era Junta de Govèrn der ajuntament de Bossòst a aprovat era ampliacion deth cementèri municipau. Eth consistòri preve bastir un totau de 56 cavòts e 20 columbaris ath long der an. Aguesta accion compdarà damb ua inversion de 100.000 €, a on s'includissen es despenes d'urbanizacion e bastiment deth mur perimetrau. 

Aguesta ampliacion s'amie a tèrme arraïtz der acòrd damb era proprietat vesia ath cementèri entar aquesiment d'aguesta parcèla, a traués d'ua permuta. Eth baile municipau, Amador Marqués, afirme qu'"aguesta ampliacion ei un besonh urgent, pr'amor qu'era capacitat d'acuelhuda der actuau cementèri ei lèu agotada". 
Manu Moga