Política
Polemica entre er IEA e eth non vòt a favor deth deputat Amador Marqués
Era Acadèmia a mostrat era sua disconformitat pera votacion hèta per part deth deputat aranés, Amador Marqués, entà dotar ara Acadèmia de hons estructurats per part der Estat
Gran polemica ena Val d’Aran pr’amor deth non vòt a favor deth deputat aranés deth PSOE, Amador Marqués, respècte era proposicion non de lei hèta per ERC entà qu’er Institut d’Estudis Aranesi-Acadèmia Aranesa dera Lengua Occitana, pogue compdar damb hons estructuraus per part der Estat Espanhòl.
Era Acadèmia Aranesa, e Convergéncia Aranesa an mostrat eth sòn planh pr’amor d’aguesta situacion que poderie garantir uns hons de forma regulara entà poder amir a tèrme diuèrsi projèctes d’interès generau entara lengua, segontes expliquen.
Ath sòn torn, Marqués, a destacat que Convergéncia Aranesa hè demagògia sus aguesta qüestion quan son eri es que non amiauen endauant politiques de lengua.
Tot e era abstencion deth deputat Marqués, era proposicion non de lei gessec endauant damb es vòts a favor dera rèsta de partits excèpte era negativa de Vox.
