Eth Conselh Generau d'Aran adjudiquèc era passada setmana eth contracte administratiu deth servici de redaccion deth projècteexecutiu d'arquitectura, installacions e direccion d'òbra e execucion dera Residéncia de Les. Era enterpresa seleccionada entad aguest trebalh a estat ECT ARQUITECTES SL – MOSE SERVEIS D’ENGINYERIA SLPU UTE.

Segontes eth Sindic d'Aran, Carlos Barrera, damb era adjudicacion d'aguest contracte "se contunhen es trebalhs entath bastiment dera naua residéncia geriatrica de Les, qu'ei ua des prioritats deth Govèrn d'Aran". Entà Barrera, çò de mès important ei qu'eth Conselh e era Generalitat poguen garantir era prestacion d'entre 20 e 30 places consorciades en aguest projècte.

Eth pressupòst deth contracte adjudicat ei de pròp de 90.000 euròs, desglossadi ena redaccion deth projècte executiu d'arquitectura (19.597,00 €), redaccion deth projècte executiu d’enginheria (17.206,00 €), direccion des òbres d'arquitectura e installacions (33.400,00 €) e ena direccion d'execucion d'arquitectura e installacions (19.180,00 €).

IMATGE: CONSELH GENERAU D'ARAN