Aguest dimenge a agut lòc en Passeig dera Libertat de Vielha er acte en favor deth referendum d’autodeterminacion de Catalonha deth pròplèu 1 d’Octobre. Un acte que s’a celebrat damb totau normalitat, maugrat qu’auie estat proïbit.En madeish, i a participat era Deputada dera CUP, Mireia Boya, eth baile de Les, Emilio Medan, e eth representant de Podem Aran, Julián Fernández. Lèu 150 persones an hèt part d’aguest eveniment en favor deth referendum, sense remercar cap tipe d’incident maugrat era sua illegalitat.

Pera sua part, Medan, que se trape imputat per Estat per auer manifestat eth sòn supòrt ath referendum mejançant era cession des locaus publics, se planhie pera actuacion der Estat en tot perseguir as bailes que s’an somat ath referendum, en tot considerar que se nèguen drets basics ara ciutadania.

Autant Boya e Medan tanben se planhien pera manca d’implicacion des partits majoritaris dera Val d’Aran en aguest ahèr en tot remercar era importància d’auer ua imatge fòrta coma país, qu’ara consideren que non se produsís.