Era Glèisa d’Era Purificacion de Bossòst sauve un gran patrimòni enes sues parets. Concretaments, ues pentures muraus deth sègle XIV que representen scènes dera Epifania e Jesús en Temple que se placen ath cant esquèr deth presbitèri. Pendent es darrèri dies, diuèrsi tecnics dera Generalitat de Catalonha sigueren ena glèisa en tot confirmar era excepcionalitat des muraus e ara estudien era possible restauracion. Ua jòia dera epòca gotica, qu’ei des pòques que se consèrven en sòn emplaçament originau en tot eth Pirinèu.

Segontes es prumèri trebalhs amiats a tèrme pes tecnics, i poderie auer pentura originau dejós dera capa que se tornec a pintar en presbitèri. Aguestes pentures gotiques aufrissen un valor patrimoniau ara glèisa plan important, pr’amor que junh damb eth monument de Setmana Santa e damb es retaules retornadi hè uns ans, justifiquen eth potenciau culturau deth temple.