"Justícia. Sonque voi que me dèishen veir ara mia hilha, voi hèr part dera sua educacion", aguest ei era demana de Pablo Santos deuant deth cas de sequestracion dera sua hilha, Noa (5 ans), per part dera sua hemna. Ambdues son en Uruguai, país d'origina dera mair, a compdar de hèr 15 mesi, quan se n'anèren de viatge, mès non tornèren mès. Tot aguest temps ei eth que pòrte Pablo sense poder-la veir. Eth denoncièc aguest cas, e des d'Uruguai an tramitat ua senténcia qu'obligue ara mair a retornar ara hilha entà Vielha, lòc a on viuie era familha. Mès, eth jutjat de Vielha non reconeish aguesta senténcia e non l'aplique.

Per aguest motiu, aguest dimèrcles 19 de junhsèga, i aurà ua concentracion deuant d'aguest jutjat entàs 14:00, entà demanar ad aguesta sala que hèsque tot çò possible entà acabar damb aguest patiment de Pablo e que pogue tornar a veir a Noa.



IMATGE: Pablo Santos demane justícia ath Jutjat de Vielha (Facebook Todos Por Noa)