Cultura
Quate detenguts en Bossòst per un assaut violent en ua casa
03/05/2024
Un grup de persones armadi damb garròts de beisbòl e defensa extensible amenacèren de mòrt una persona
Es Mòssos d'Esquadra an detengut tres òmes e ua hemna, d'entre 22 e 51 ans, coma supausadi autors d'un panatòri damb violéncia e intimidacion, violacion d'abitança, menaces, lesions e damatges. Es hèts se remonten pera tarde deth 29 d'abriu quan debanèc un assaut violent en Bossòst (Val d'Aran). Un grop de persones entrèc damb garròts de beisbòl e defensa extensible ena casa dempús d'estrossejar-ne era pòrta d'accès. Segontes era policia, quan sigueren laguens heren estrosseges mentre menaçauen de mòrt ua persona que se podec refugiar en lavabo. Ath delà des damatges, es detenguts s'aurien emportat es sòs que i auie en ua abitacion.
Mentre era victima presentaue era denóncia ores dempús, bèi uns des assautants repetiren era accion tornèren ath lòc entà menaçar e agredir un aute òme que se trobaue ena abitança. Es Mòssos, deuant es hèts arribadi entre persones coneishudes, aueren coneishença dera identitat des supausadi agressors e contactèren damb eth sòn entorn entà sajar de facilitar-ne era sua detencion.
Fin finau, mercés ara pression policèra, dimars passat pera tarde se detenguec a tres des supausadi autors quan gessien dera abitança d'un des implicadi, en Bossòst. Pòc dempús, se detenguec eth darrèr implicat ene hèts quan se personaue tath comissariat.
Es detenguts, tres d'eri damb antecedents, passèren dimèrcles a disposicion judiciau deuant eth jutjat d'instruccion es foncions de guàrdia de Vielha.
HÒNT: VIURE ALS PIRINEUS
HÒNT: VIURE ALS PIRINEUS
Manu Moga