Era Audiovisuau de Vielha acuelhec era presentacion deth nau libre de Pax Dettoni, Emociones ¡a escena!, en un acte fòrça especiau que compdèc damb era representacion de dus scènes dera òbra deTeatre de ConsciénciaQui sò jo?, estreada dejà hè set ans.

Era òbra siguec representada pes actors e actrius originaus en un emotiu retrobament dempús de tant de temps.

Emociones ¡a escena! ei un libre que recuelh es tres guidons des òbres de Teatre de Consciéncia: Qui mane aciu?, Perdonare e Qui sò jo?, aguesta darrèra tanben escrita tant en castelhan coma en aranés. E ei que eth teatre de consciéncia a agut un papèr fòrça important ena difusion dera lengua aranesa dehòra d’Aran.

Era recaptacion obtenguda damb era venda d’aguest libre anarà integralaments destinada ath projècte “En sus zapatos”.

Entà totes es persones que volguen collaborar a promòir era convivéncia escolar entà esvitar era violéncia, s’a dubèrt ua campanha de micromecenatge ena plana webmigranodearena.com ena que se pòt donar sòs entà ajudar a qu’aguest projècte contunhe creishent e lutant còntra eth sètge e era violéncia enes aules.