Er Ajuntament de Naut Aran a aprovat ua modificacion pressupostària per valor de 895.000€ enes que i destaquen 780.000 èuros entath bastiment dera centrau termica entà crear eth district heating de Naut Aran.

En aguest sens, se’n veirien beneficiadi, entre d’auti, era sala polivalenta, era escòla Ruda, era piscina de Salardú, eth pròpri Ajuntament de Naut Aran, es rampes calefactades que i a en pròpri pòble o eth futur Centre Civic e Sociau de Salardú. Era forma de cauhament serà damb biomassa mejançant eth convèni forestau que se signèc damb eth Conselh Generau d’Aran hè lèu dus ans e damb eth que s’inclodissen accions coma aguesta autant coma eth manteniment des pistes forestaus deth municipi.

Tanben se destinaràn 20.000 èuros entà crear ua naua via herrada enes entorns dera poblacion d’Arties, a on, rebrembam, qu’aquiu dejà i son bastides es que son de mès dificultat de tot er Estat Espanhòl. Circ dera Lua e Corc de Solei de nivèu K7 e K7+. Aguesta futurible incorporacion serie fòrça mès facila. 

Fin finau entre d’autes accions que se contemplen tanben i aurie era reforma dera glèisa Sant Joan d’Arties entà acuélher es exposicions d’ua forma mès subergessenta.