Eth cicle Romanic Musicau a tornat a scèna pendent es hèstes de Pasca d’enguan. Ei eth prumèr viatge qu’aguets cicle de cultura e musica a lòc pendent aguestes jornades, pr’amor qu’enquiara sonque se celebraue en ostiu e tanben per prumèr viatge pendent es darrèri Nadaus. Aguest viatge, s’organizèren dus actes: Ena Glèisa Sant Andreu de Salardú, pendent diuendres Sant damb eth concèrt de Syrinx e dimenge de Pasca ena Purificacion de Maria de Bossòst damb eth Trio Amor Fino, que marquèc eth punt finau deth cicle.

Pendent aguest cicle se barrège cultura e musica, en tot auer concèrts de musica classica en desparières glèises dera Val d’Aran coma dejà ei tradicion en Romanic Musicau e que dejà pòrte fòrça ans en foncionament.

Ei, per tant, un eveniment dejà plan consolidat en panorama culturau dera Val d’Aran. Prumèr siguec en ostiu, e ara dejà tanben se trape entà Nadau e Pasca, en tot atreir era atencion de fòrça gent, qu’estime era cultura e era musica, e qu’aumplís totauments es glèises a on se celebren es actes d’aguest cicle.