Damb ua plaça der Haro ueda e damb era aulor a cendre encara present, eth pòble de Les  se premanís entà “Quilhar” eth nau Haro pendent eth dia de Sant Pere, eth diuendres 29 de junh entas 18 ores. Ua jornada que meterà punt e finau as hèstes deth huec de Les.

Cride era atencion que enquia ara es hemnes non s’an animat a participar ena quilha, mès des der Ajuntament se rebrembe qu’ena Shasclada era participacion des hemnes ei plan importanta, atau coma passe damb era crèma des halhes, a on cada viatge era preséncia deth genre femenin ei mès predominanta.

Ath delà, aguesta quilhada der haro tanben a molta simbologia ath darrèr: un pòble junhut pòt lheuar tot aquerò que volgue e pòt hèr front a quinsevolh rèpte que se mete per dauant.