Cultura
Es dies 15 e 16 de març Vielha acuelh eth 6au hestau Mendi Tour damb es milhores pellicules de cinèma de montanha
05/03/2024
Eth milhor cinèma de montanha deth mon torne tà Vielha es dies 15 e 16 de març damb eth 6au Mendi Tour.
Eth cap-lòc aranés organize aguest eveniment a on se projectaràn ueit des milhors films de cinèma de montanha dera darrèra edicion deth BBK Mendi Film Bilbao-Bizkaia.
Eth cap-lòc aranés organize aguest eveniment a on se projectaràn ueit des milhors films de cinèma de montanha dera darrèra edicion deth BBK Mendi Film Bilbao-Bizkaia.
Era entrada as jornades ei gratuïta, enquia completar er aforament dera sala d’Era Audiovisuau, e se poiràn recuélher es entrades fisicament ena sedença deth consistòri en orari abituau, de deluns a diuendres, des 08:00 as 14:00.
“Eth hestau Mendi Tour Vielha ei ua apòsta que des der Ajuntament de Vielha e Mijaran volem mantier, pr’amor que supause un element mès qu’ajude ath nòste municipi a assolidar-mos coma destinacion de referéncia de nauta montanha enes Pirenèus”, comente eth baile de Vielha e Mijaran, Juan Antonio Serrano.
Pera sua part, era mairia deth hestau, era aupinista Edurne Pasaban, afirme qu’”ei un aunor poder tornar a celebrar ua naua edicion d’aguest eveniment, en quau auram films de fòrça qualitat, damb desparièrs espòrts d’aventura, en tot hèr un torn per diuèrsi espòrts d’iuèrn”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga