Eth pòble de Les a desvelhat damb inmelhorables sensacions dempús d’auer passat era sua net grana damb era crema der haro. Atau, ua plaça plia a vessar acuelhec era crema des halhes, es balhs des Corbilhuèrs e eth magnific repertòri de Sarabat ath temps qu’er haro se convertie en cendre.

Ua net magica entà es vesins de Les, e entà toti es aranesi, que non aurie estat possible sense er esfòrç des diuèrsi collectius de Les, coma era Comission d’Hèstes.

Eth programa des hèstes de Les d’enguan non desbrembe er espòrt, era cultura, era religion, era gastronomia ne eth léser, en tot abarcar activitats entà totes es edats.

Eth dia dera Quilha der haro, eth 29 de junh mèrque eth finau des hèstes. Mès encara quede ua longa e polida setmana en Les, plia d’activitats e diversion entà toti.