Eth Centre d'Enterpreses Innovadores (CEI) dera Val d'Aran, amassa damb GlobaLleida e damb eth patrocini dera Diputacion de Lhèida, a organizat un totau de 9 càpsules formatives gratuïtes e dubèrtes a toti aqueri que i volguen participar. Era prumèra d'eres, sus "Gestion e administracion empresariau", se celebrarà eth pròplèu dijaus dia 11 de mai de 10:00 a 14:00.

Eth seminari, impartit en CEI de Casau (Plaça Naua, 1), serà a cargue de Francesc Pérez Sànchez e se dividirà en dues parts: es prumères dues ores se dedicaràn ara gestion e administracion empresariau, mentre que de 12:00 a 14:00 se tractarà era gestion integrau dera tresaureria. 

Es inscripcions ad aguestes càpsules se pòt hèr directament des deraweb deth Centre d'Enterpreses Innovadorese toti es que s'i apunten auran de portar eth DNI (originau o còpia). 

Eth listat des següents seminaris deth CEI ei eth que seguís:

• “Marqueting d’exit damb un pressupòst limitat”. Dia  23 de mai de 10:00 a 14:00 ores. 
• “Es 10 factors claus en inici d’un projècte d’ auto-emplec”. Dia 8 de junh de 10:00 a 14:00 ores.
• “10 passi entà crear era tua empresa”. Dia 29 de seteme de 10:00 a 12:00 ores. 
• “Coma èster ua empresa legaument ordenada”. Dia 29 de seteme de 12:00 a 14:00 ores.
• “Apren a hèr curriculums creatius”. Dia 17 d’octobre de 10:00 a 12:00 ores.
• “Sabes coma hèr un curriculum per competéncies?”. Dia 17 d’octobre de 12:00 a 14:00 ores.
• “Utisi e recorsi entara recèrca de trabalh”. Dia 24 d’octobre de 10:00 a 12:00 ores. 
• “Coma interpretar e conéisher qué ditz era mia nomina”. Dia 24 d’octobre de 12:00 a 14:00 ores.