Er Ajuntament de Vielha e Mijaran a trèt a licitacion es trabalhs de milhora dera accessibilitat e adaptacion des hilats deth servici d’aigua correnta e aigües lordes en tram baish dera Avenguda Baile Calbetó Barra de Vielha.

Damb aguest projècte eth govèrn municipau amiarà a tèrme diuèrses intervencions damb er objectiu de modernizar aguesti hilats d’aigua.

Çò que s’a hèt principaument ei eth cambi des tuèus de fibrociment e  en çò que tanh ath sanejament, s’executarà un hilat separatiu entà qu’es aigües pluviaus deth carrèr Quate Lòcs vagen directament entar arriu Garona, mentre qu’es aigües lordes anaràn ath hilat generau. 

Ath delà, tanben se renauirà era pavimentacion damb ua reforma des trepadèrs de granit e ua milhora dera pròpria via.

Er objectiu deth consistòri ei qu’eth municipi de Vielha e Mijaran dèishe d’auer aguest problèma generalizat enes pròplèu mesi.

Eth projècte compde damb un pressupòst de 191.000 èuros. Es òbres auràn un tèrme de 3 mesi, un viatge siguen adjudicades.