Era Val d’Aran viu pendent aguesta jornada de Sant Jòrdi era presentacion d’un libre istoric. Parlam de “Es Simbèus d’Aran e de cada un des sòns pòbles, der istoriador e biològ, Angel Claveria, qu’ath delà ei membre dera seccion d'Istòria der Institut d'Estudis Aranesi.

Claveria a destacat en grana part dera sua trajectòria professionau e personau per amor e er estudi des diuèrsi escuts deth territòri, atau ei que, dempús de parlar damb un des grani pairs fondadors der aranés modèrn, Fico Vergés, decidic d’iniciar un long camin de mès de 40 ans que se materialize aué dia damb era presentacion d’aguesta òbra que parle sus era istòria des escuts deth nòste territòri autant coma des sòns pòbles.

Aguest libre apròpe ua grana realitat dera Val d’Aran pr’amor que se ven representadi un totau de 33 pòbles damb es sòns pròpris simbèus. Cada pòble a eth sòn escut damb era sua particularitat e eth motiu peth quau a estat elaborat d’aguesta forma.

Aguest libre serà publicat sonque ena lengua de casa nòsta entà qu’es persones que lo liegen poguen auer ua complèta immersion laguens deth territòri.