ACTUALITAT
Presomptiu delicte còntra era fauna en Canejan
10/11/2017
Era possession deth paum se pòt punir damb ua pena de preson de 6 mesi a 2 ans o ua multa de 8 a 24 mesi
Era setmana passada, es Agents de Mèdi Ambient deth Conselh Generau d'Aran amassa damb eth Agents Ruraus dera Generalitat trapèren en un domicili particular en Canejan un totau de 40 paums (Tetrao urogallus) dissecats, ath delà de ues autes espècies protegides.
Segontes eth Departament d'Agricultura catalan, sigueren es pròpis Agents de Mèdi Ambient deth Conselh qui dèren era votz d'alarma, en tot alertar qu'aguesta casa s’anonciaue en ua plana web de loguèr, e qu'en ua des fòtos s'i podie veir ua gran vitrina damb diuèrsi exemplars de paum dissecats.
Damb autorizacion judiciau e era preséncia dera letrada dera Administracion de Justícia, es Agents realizèren un registre en abitatge e es dependéncies annèxes, entà investigar un presomptiu delicte còntra era fauna, en tot comprovar era possession de 40 exemplars de paums, un paum de bèc nere, quate poths de coa forcada, tres grèvols e un becut.
Es animaus sigueren requisats cautelarment enquia qu'eth propietari, qu'ei vesin de Barcelona, pogue acreditar era sua procedéncia legau. Se susvelhen enes dependéncies des Agents Ruraus, a disposicion judiciau.
Eth paum ei ua espècia estrictament protegida en Catalonha des der an 1979, era sua situacion enes Pirenèus se trape en situacion vulnerable e ena sarrada Cantabrica son declaradi en perilh d’escandilhament. Òc qu'ei permetuda era sua caça en quauqui païsi der Èst d'Euròpa, coma ei eth cas de Romania.
Ua orde dera Generalitat valore economicament cada paum damb 1.800 euròs. Era possession d'aguesti animaus pòt constituir un presomptiu delicte còntra era fauna, e se pòt punir damb ua pena de preson de 6 mesi a 2 ans o ua multa de 8 a 24 mesi, ath delà de constituir tanben ua infraccion administratiua fòrça grèu dera Lei de Proteccion d'Animaus, que se pòt sancionar damb ua multa que varie entre es 2.000 e es 20.000 euròs.
Peth moment, membres des Agents Ruraus, damb era collaboracion deth Departament de Territòri e Sostenibilitat e eth Conselh Generau d'Aran, se trapen investigant era documentacion era data dera mòrt, er origen geografic e es precintes aportats per investigat, entà determinar era sua situacion legau.
IMATGE: GENERALITAT DE CATALONHA
Segontes eth Departament d'Agricultura catalan, sigueren es pròpis Agents de Mèdi Ambient deth Conselh qui dèren era votz d'alarma, en tot alertar qu'aguesta casa s’anonciaue en ua plana web de loguèr, e qu'en ua des fòtos s'i podie veir ua gran vitrina damb diuèrsi exemplars de paum dissecats.
Damb autorizacion judiciau e era preséncia dera letrada dera Administracion de Justícia, es Agents realizèren un registre en abitatge e es dependéncies annèxes, entà investigar un presomptiu delicte còntra era fauna, en tot comprovar era possession de 40 exemplars de paums, un paum de bèc nere, quate poths de coa forcada, tres grèvols e un becut.
Es animaus sigueren requisats cautelarment enquia qu'eth propietari, qu'ei vesin de Barcelona, pogue acreditar era sua procedéncia legau. Se susvelhen enes dependéncies des Agents Ruraus, a disposicion judiciau.
Eth paum ei ua espècia estrictament protegida en Catalonha des der an 1979, era sua situacion enes Pirenèus se trape en situacion vulnerable e ena sarrada Cantabrica son declaradi en perilh d’escandilhament. Òc qu'ei permetuda era sua caça en quauqui païsi der Èst d'Euròpa, coma ei eth cas de Romania.
Ua orde dera Generalitat valore economicament cada paum damb 1.800 euròs. Era possession d'aguesti animaus pòt constituir un presomptiu delicte còntra era fauna, e se pòt punir damb ua pena de preson de 6 mesi a 2 ans o ua multa de 8 a 24 mesi, ath delà de constituir tanben ua infraccion administratiua fòrça grèu dera Lei de Proteccion d'Animaus, que se pòt sancionar damb ua multa que varie entre es 2.000 e es 20.000 euròs.
Peth moment, membres des Agents Ruraus, damb era collaboracion deth Departament de Territòri e Sostenibilitat e eth Conselh Generau d'Aran, se trapen investigant era documentacion era data dera mòrt, er origen geografic e es precintes aportats per investigat, entà determinar era sua situacion legau.
IMATGE: GENERALITAT DE CATALONHA
Clara Villar