Eth Caviar comence a èster reconeishut coma un producte gastronomic de luxe ena Val d’Aran e que compde damb un sector cada viatge mès important de toristes en país. Enguan, en tot commemorar eth 15au aniversari dera enterpresa Caviar Nacarii, eth restaurant Eth Bistro de Vielha, dera man deth sòn chef Albert Jubany, a elaborat un selecte menú de 7 plats a on eth protagoniste principau ei eth Caviar.

Ei eth prumèr menú en tota Espanha que s’elabòre ath 100% damb era preséncia deth caviar. Aguest menú ei avalorat en 155 èuros e se pòt consumir pendent tota era sason d’iuèrn ena Val d’Aran. Totun, era intencion ei qu’aguest menu se pogue arribar a mantier ath long des pròplèus ans, tot e que poderie patir bèth cambi ena sua elaboracion.

Eth menú ven a recuélher era grana qualitat deth caviar elaborat en Les per Caviar Nacarii, e que destaque per èster totauments fresc. Eth Bistro e tot just un parelh d’ans qu’ei en foncionament e ja s’a guanhat un lòc clau ena restauracion dera Val d’Aran, a on ara, ath delà, ei un referent gràcies ath menu exclusiu elaborat a base deth caviar locau.