Pendent era jornada deth passat 26 de mai, eth president der Institut d'Estudis Aranesi-Acadèmia Aranesa dera Lengua Occiatana (IEA-AALO), Jusèp Loís Sans, visitèc era Acadèmia Valenciana dera Lengua (AVL). En cap-lòc deth Túria, Sans siguec recebut peth sòn omonim valencian, Ramon Ferrer.Posterioraments, siguec present ena session plenària dera institucion valenciana a on podec explicar as assistents er objectiu dera acadèmia aranesa. Aquiu, Sans, les parlèc sus era volontat der IEA-AALO d'investigar e estudiar er aranés, e establir es criteris dera normativa d'acòrd damb es principis dera gramatica occitana deth lingüista occitan, Loís Alibèrt, e es normes ortografiques der aranés, coma part integranta der espaci lingüistic e culturau occitan. Ath delà, Sans, aufric ua conferéncia ath vèspe ena Facultat de Filologia dera Universitat de Valéncia, entà aufrir fòrça mès informacion sus eth trebalh que s'amie a tèrme cada dia ena Acadèmia.


IMATGE: Jusèp Loís Sans (Dreta) e Ramon Ferrer (Quèrra) pendent era session plenària dera Acadèmia Valenciana dera Lengua deth 26 de mai.

Hònt: AVL