Era Val d’Aran a artenhut pendent aguesta darrèr periòde de Nadau ua mejana de lèu eth 80% d’aucupacion otelèra entre eth 25 de deseme e eth 7 de gèr. Ua donada que demòstre era grana acceptacion que cada an manten era Val d’Aran en torisme espanhòu, atau coma en francés, que cada viatge la escuelh mès entà visitar-la. Pendent era prumèra setmana i auec un 86% d’aucupacion otelèra e era dusau setmana siguec deth 72%.

D’aute biais, Diaz tanben confirmèc es bones donades de visitaires que i a agut en conjunt der an 2017, en tot arribar a ua mejana de lèu eth 47%, que supause un aument deth 4% respècte ath 2016. Ua grana notícia que demòstre, qu’era Val d’Aran, cada viatge acuelh mès torisme pendent bona part der an.

Totes aguestes donades asseguren ua grana sason d’iuèrn, qu’enguan s’alongarà enquiath pròplèu 7 d’abriu damb eth barrament de Baqueira-Beret, en tot demorar qu’er ostiu tanben sigue fòrça profitós coma a estat pendent es darrèri ans.