Era Glèisa Sant Joan d'Arties acuelh era exposicion "Elements Arquitectonics d'Aran"

08/09/2017

156 fotografies qu'amassen es elements arquitectoncis que se mantien encara aué, d'estil conservador e antic

Era Glèisa Sant Joan d’Arties acuelh pendent es mesi de seteme e octobre era exposicion “Elements arquitectonics d’Aran”, organizada pera Fondacion Privada Musèu Etnologic dera Val d’Aran. En aguesta exposicion i trapam un recuelh de 156 fotografies que reflectissen toti aqueri elements arquitectonics qu’an perdurat ena istòria dera Val d’Aran enquia aué. Aguestes imatges sigueren prenudes pes pròpris membres dera fondacion.

Ei un recorrut per toti es pòbles dera Val d’Aran a on subergessen elements d’arquitectura d’estil conservador e antic. Ei ua bona manèra de transméter era eréncia des nòsti auanpassats as futures generacions d’aranesi. Era exposicion se mantierà dubèrta enquiath pròplèu 14 d’octobre, en orari de deluns a dissabte de 5 dera tarde a 8 deth vèspe.

Manu Moga