Era Fondacion Privada Musèu Etnologic dera Val d'Aran arrecebèc ager pera tarde eth prèmi Robèrt Lafont 2016, autrejat pera Generalitat de Catalonha peth sòn trebalh de defensa e conservacion der aranés.

Aguesta Fondacion, creada en an 1973, ei era impulsora des prumèrs concorsi literaris en aranés, creadora dera revista Tèrra Aranesa e deth Musèu dera Val d’Aran e organizadora dera coneishuda Corsa d'Aran per sa Lengua a trauès dera sua seccion Lengua Viua.

Eth Premi Robèrt Lafont siguec creat pera Generalitat en an 2010 damb er objectiu d’arreconéisher e premiar as persones o entitats distingides peth sòn trebalh de defensa, projeccion e promocion dera lengua occitana, entà refermar era sua singularitat e identitat pròpia.