Un còp mès, eth Conselh Generau d’Aran mòstre eth sòn arrefús ara violéncia de genre e, damb motiu deth Dia Internacionau còntra aguest tipe de violéncia, que se celèbre cada 25 de noveme, a organizat un acte commemoratiu dubèrt a toti e totes.

En aguest acte s’a liejut eth Manifèst deth Conselh a on s’a parlat de donades de mautractaments, violacions e assassinats, e s’a mostrat eth desir d’acabar damb aguesta lacra dera nòsta societat.

Coma nauetat, s’a realizat ua pancarta a on se pòt liéger eth lema “Non ei Non”, coma mòstra d’arrefús ad aguest tipe de violéncia.

Era Val d’Aran mòstre atau consciéncia d’aguesta realitat tan injusta que viu era nòsta societat. Actes com aguest son un reflèxe deth desir d’eradicar aguest tipe de violéncia que cada an produsís desenes de mòrts en nòste país.