Ath long d’aguesta setmana se desvolope era ueitau edicion deth hestau Black Mountain Bossòst, un festival literari que s’inicièc en tot èster sonque de novèlla nera mès que damb eth pas des ans s’a anat adaptant as besonhs dera ciutadania e aufrís un programa fòrça mès complèt perqué i a era preséncia de mès de ua seishantia d’autors de diuèrsi genres narratius.

Era importància d’auer pogut amassar a toti aguesti genres a hèt a guanhar en riquesa culturau e pendent tota era setmana granes òbres e autors se citaràn en Bossòst, Vielha e Andòrra o Santa Joan de Toran entà escambiar impressions damb es visitants d’aguest hestau. Es accions que se desvolopen en aguest eveniment, son d’un gran atractiu tara gent deth pròpri territòri.

Coma ahèrs a destacar, s’autrejaràn 3 prèmis especiaus: Eth dera trajectòria professionau a Victor Claudín, un de novella inedita a Luis Alexandre Jiménez e eth Prèmi Fernando María a Carlos Manzano.

En Black Mountain Bossòst s’i presenten escrivans e autors de fòrça païsi e enguan coma cas especiau a vengut un professor e escrivan cuban que residís en Texas.